Тековно издание
Драги читатели,
Со задоволство ви го претставуваме онлајн изданието на првиот број на овогодишното меѓународно славистичко списание „Philological studies“.
Овој број се состои од дваесет прилози, од кои шеснаесет се научни трудови и четири осврти од областа на словенските: литератури, јазици, култури и културна историја. Трудовите се распоредени во редовните рубрики на списанието: Филозофски и културни проблеми, Историја и филологија, Збор во историски и во културен контекст, Литература во интеркултурен контекст, Современото општество во: културата, јазикот и литературата, Проучување на говорот и лингводидактика и Осврти и информации.
Овогодишното издание е изработено во соработка меѓу Филозофскиот факултет на Универзитетот во Загреб (Хрватска) и партнерските институции: Институтот за македонска литература на Универзитетот „Св. Кирил и Методиј“ во Скопјe (Северна Македонија), Филозофскиот факултет на Универзитетот во Љубљана (Словенија) и Институтот за литература и уметност во Белград (Србија).
Сакаме да ја искористиме оваа можност да им се заблагодариме на сите учесници, а особено на авторите, кои, со своите придонеси, уште еднаш ја потврдија важноста на регионалното и на меѓународното вмрежување во областа на хуманистичките науки.
Целосно издание
Филозофско-културолошки проблеми
Историја и филологија
Зборот во историско-културолошкиот контекст
Книжевноста во интеркултурен контекст
Современото oпштество во културата, јазикот и литературата
Проучување на говорот. Лингводидактика
„Philological studies“ (FS) е меѓународно, двојно рецензирано, електронско, славистичко списание од областа на хуманистичките науки со потесен опсег на научни истражувања од: филозофија, литература, културна историја, лингвистиката. Секој број на списанието ги содржи следниве рубрики:
Философско-културолошки проблеми
Историја и филологија
„Зборот“ во историско-културолошки контекст (споредбен аспект)
Литературата во интеркултурен контекст
Современото општество во културата, во јазикот и во литературата
Проучување на говорот и лингводидактика
Рецензии и информации
„Philological studies“ е резултат на заедничката работа на Филозофскиот факултет на Универзитетот во Љубљана (Словенија), Институтот за македонска литература на Универзитетот „Св. Кирил и Методиј“ во Скопје (Македонија), Факултет за хуманистички и општествени науки на Универзитетот во Загреб (Хрватска), Филолошкиот факултет на Универзитетот во Перм (Русија) и Институтот за книжевност и уметност во Белград (Србија).
Издавач: Институт за македонска литература при Универзитетот „Св. Кирил и Методиј“ во Скопје
„Philological studies“ е електронско списание со отворен пристап (DOAJ) до секоја објавена статија, што значи дека содржината е достапна целосно и бесплатно за индивидуални корисници или за институции. Корисниците можат да ги читаат, да ги преземаат, да ги копираат и да ги дистрибуираат објавените статии. Дозволено е и пребарување на статиите, како и нивно користење за други легални цели без претходно барање дозвола од издавачот или од авторот, а во согласност со Будимпештанската иницијатива на отворен пристап (BOAI).
Списанието излегува два пати годишно. Во него се објавуваат научни трудови на: македонски, српски, руски, словенечки, хрватски и англиски јазик. Списанието прифаќа само оригинални статии, т. е. оние што веќе не се објавени на кој било јазик и што не се во процес на разгледување за објавување во други списанија. Авторите се носители на авторските права и ги задржуваат правата на објавување и на користење на статиите. Објавувањето во списанието е бесплатно.
Списанието „Philological studies“ е вклучено во следните бази на податоци: Централната и источноевропската онлајн библиотека (CEEOL), Aмериканската асоцијација за современ јазик (MLA), базата на EBSCO, на PROQUEST и на GALE, Рускиот индекс на научно цитирање (РИНЦ), Хрватскиот портал на научни списанија (Hrčak), COBISS.MK.