Известувања

ПОВИК ЗА ТРУДОВИ ЗА СПИСАНИЕТО „ФИЛОЛОШКИ СТУДИИ“ –ЗА 2025 ГОДИНА

Ве покануваме да ни испраќате трудови за двата броја на славистичкото списание „Филолошки студии“ за  2025 година.

ПРВ БРОЈ (јунски број)

Првиот број ќе биде со стандардните рубрики на списанието: Филозофско-културолошки проблеми; Историја и филологија; „Зборот“ во историско-културолошки контекст; Литературата во интеркултурен контекст; Современото општество во културата, во јазикот и во литературата; Проучување на говорот и на лингводидактиката; Рецензии и информации.

ВТОР БРОЈ (октомвриски број)

Вториот број ќе биде тематски –посветен на темата „Словенски културни соработки: испреплетување на културите“.

Предложените тематски области вклучуваат:

·      словенски културни соработки (јазични, литературни, историски, театарски, филмски, музички, ликовни);

·      културно-историски релации;

·      национални специфики и разлики;

·      контрастивно проучување на словенските јазици;

·      книжевни преводи/препеви и толкувања;

·      интеркултурна комуникација меѓу словенските земји;

·      рецепција на словенската култура;

·      словенските култури во наставните програми во основното, во средното и во универзитетското образование;

·      културни фестивали и гостувања во странство

Текстовите за тематскиот број треба да се соодветни за постојните рубрики на списанието.

Трудовите треба да се достават на адресата на Редакцијата или преку платформата на списанието.

Сите трудови треба да бидат подготвени според упатствата за авторите, кои се прикачени на веб-страницата на списанието.

Краен рок за двата броја: 10 Април 2025

Информации за авторот

Со статијата се приложува и образец за пријавување, кој содржи информации за авторот.

Информациите за авторот се изнесуваат според следниот модел:

Име, иницијал на татковото име, презиме

Полн назив на организацијата

ORCID (Open Researcher and Contributor ID, ако го има) и електронска адреса (e-mail) на авторот; град, земја.

„Формуларот за регистрација“ што содржи информации за авторот мора да биде прикачен на статијата.

Авторите се лично одговорни за графичките и текстуалните материјали вклучени во трудот и мора да добијат лиценца доколку се добиени од трети страни. Списанието отфрла секаква одговорност доколку објавените статии содржат материјали (илустрации, табели и текстуални елементи) кои подлежат на авторски права на трети лица.