УЛОГАТА НА КОМПЈУТЕРИЗИРАНАТА ГОВОРНА ЛАБОРАТОРИЈА (COMPUTERIZED SPEECH LAB) И MDVP (МУЛТИ-ДИМЕНЗИОНАЛНА ГЛАСОВНА ПРОГРАМА) ВО ДИЈАГНОСТИКАТА НА НАРУШУВАЊАТА НА ГЛАСОТ

Апстракт

Факт е дека патологијата на гласот е со изра­зе­на честа појава во последните децении, а про­бле­мот за нарушувањата на гласот и нивната дијагностика од страна на логопедите е не­до­вол­но разработен во логопедската литера­ту­ра во Р. Бугарија и Р. Македонија. Еден од основ­ни­те фактори од кои зависи успехот на тера­пи­јата е поставувањето на правилна лого­пед­ска дијагноза, врз основа на која се израбо­ту­ва те­ра­певтската програма.
Целта на трудов е да презентира нов инстру­мент за секундарна оценка на гласот-акустична анализа на гласот како дел од Компју­те­ри­зи­ра­на­та говорна лабораторија (CSL), наречен Мул­­­ти-димензионална гласовна програма (MDVP).
Во Република Бугарија последниве три децении нема разработен дисертациски труд за лого­пед­ската дијагностика и терапија на патологијата на гласот. Во споредба со нарушувањата на ја­зи­кот, флуентноста и артикулацијата, растрој­ства­та на гласот се игнорираат и запоставуваат до значаен степен. Логопедите не се чувству­ва­ат подготвени за работа со овој вид патологија.