ВЛИЈАНИЕТО НА РАБОТАТА НА СПЕЦИЈАЛНИТЕ ЕДУКАТОРИ И РЕХАБИЛИТАТОРИ ВО РЕДОВНИТЕ УЧИЛИШТА ВРЗ ОДНОСОТ СО ВРСНИЦИТЕ НА УЧЕНИЦИТЕ СО ЗАДОЦНЕТ РАЗВОЈ

Апстракт

Целта на истражувањето е да се согледа да­ли ра­ботата на специјалните едукатори и ре­ха­били­татори влијае позитивно на односот со врс­­ни­ците меѓу учениците со задоцнет ког­ни­ти­вен развој.

Акцентот беше ставен на квалитетот на при­ја­тел­ствата, социјалните компетенции и ан­ти­со­ци­јалното однесување. Истражувањето оп­фа­ти 150 ученици со забавен когнитивен раз­вој; 52 од нив имаат поддршка од спе­ци­јал­ни еду­ка­то­ри и рехабилитатори во ре­дов­но­то об­ра­зо­ва­ние, додека 98 ученици немаат так­ва под­дрш­ка. Квалитетот на при­ја­тел­ства­та беше про­це­нет со прашалник за ква­ли­те­тот на при­ја­тел­ства­та. За проценка на социјалните ком­пе­тен­ции и ан­ти­со­ци­јал­но­то однесување, беше упо­тре­бена Скалата за со­ци­јално од­не­су­ва­ње во учи­лиште. Раз­ли­ки­те во групата беа ис­питани со t-тес­тот од софтверскиот пакет на Windows SPSS 14.

Резултатите покажаа дека учениците со за­доц­нет когнитивен развој коишто имаат под­дрш­ка од специјални едукатори и ре­ха­би­ли­та­то­ри го про­ценуваат нивното другарување како по­ква­ли­тетно. Учениците со задоцнет ког­нитивен раз­вој коишто посетуваат учи­лиш­та во коишто нема специјални едукатори и рехабилитатори пос­тигнуваат де­мон­стра­тив­но подобро ниво на со­ци­јална ком­пе­тен­ци­ја. Што се однесува до антисоцијалното од­не­сување, не се забележани никакви раз­ли­ки­. Добиените резултати укажуваат на неоп­ходноста да се редефинира улогата на спе­ци­јалните едукатори и рехабилитатори во ре­до­вните основни училишта.