ЕФЕКТОТ НА ОБУКАТА ЗА ТЕОРИЈА НА УМОТ ЗА ПОДОБРУВАЊЕТО НА СОЦИЈАБИЛНОСТА КАЈ УЧЕНИЦИТЕ СО ИНТЕЛЕКТУАЛНА ПОПРЕЧЕНОСТ

Апстракт

Учениците со интелектуална попреченост имаат проблеми при воспоставувањето и одржувањето другарски односи со своите пријатели. Некои стручни лица сметаат дека овие проблеми се предизвикани од дефицитот во теоријата на умот. Целта на ова истражување е да се испита ефективноста на обуката за теорија на умот на подобрување на социјабилноста на учениците со интелектуална попреченост.
Во ова истражување беше употребена експерименталната метода на преттестирање и посттестирање со контролна група. Во истражувањето беа опфатени триесет момчиња и триесет девојчиња со интелектуална попреченост од две различни основни училишта. Испитаниците беа избрани со помош на повеќестепената кластерметода за земање примероци.
Од овие ученици, по случаен избор беа избрани две експериментални и две контролни групи; една експериментална и една контролна група од девојчињата, а исто така и за момчињата. За експерименталните групи беа подготвени девет сесии за обука, додека контролните групи ја следеа дневната училишна програма.
Резултатите од истражувањето покажаа дека значајно подобри постигнувања во однос на социјализацијата имаат експерименталните групи за разлика од контролните групи (p<0.05).
Во ова истражување задачите на обуката за теорија на умот водат кон подобрување на способностите за социјализација кај учениците со интелектуална попреченост.