НОСИЈАТА НА САРАКАЧАНИТЕ ВО РЕПУБЛИКА МАКЕДОНИЈА

Abstract

Во проучувањето на етничкото и културното минато на еден народ народната носија зазема значајно место. Таа е составен и нераздвоен дел од човечкиот живот, директно поврзана со естетските и културните сфаќања на заедницата на која ѝ припаѓа.
Истата има апотропејска и украсна функција а воедно е невербален симбол на етничката заедница на која ѝ припаѓа. Народната носија е директно зависна и од надворешните фактори, какви што се климата, релјефот, па според тоа таа е еден вид и нем сведок за стопанските активности, степенот на културниот развој, како и за културните и
историските промени што се случувале кај дадената етничка заедница.