РАНАТА ДИЈАГНОСТИКА КАКО ПРЕДУСЛОВ ЗА УСПЕШНА КОХЛЕАРНА ИМПЛАНТАЦИЈА

Апстракт

Сите истражувања  укажуваат на фактот дека ра­­­ната детекција и дијагностика сè уште се из­вршуваат доцна (по третата година во жи­во­тот), така што во првите три години од жи­во­тот не се воспоставуваат развојните промени на начин кој ги вклучуваат интеррелациските ас­пек­ти на човечкиот развој и неговите природни сек­вен­ци. Со вклучувањето на раните рехаби­ли­тацис­ки постапки се поттикнува позитивниот начин на комуникација кај малото глуво дете, така што тоа произведува и процесира инфор­ма­ции кои можат да доведат до позитивни ква­ли­тети и промени во развојниот процес.
Технологијата за слушање е драматично про­ме­не­та во последниве декади. Со придонесот на аудиометрите во 40-те години од минатиот век почнавме да учиме како прецизно да го проце­ни­ме степенот и видот на слушното оштету­ва­ње, кое е од огромно значење за оптималниот фи­­тинг на моќните помагала за слушање и кох­леарните импланти.
Во истиот период се развиени и слушните по­ма­гала соодветни за мали деца, коишто им овоз­можија на децата со значителен губиток на слу­хот, подобра можност да го развијат говорот и говорниот јазик.