СПОРЕДБА НА САМОЕФИКАСНОСТА И НАДЕЖТА МЕЃУ УЧЕНИЦИТЕ СО ПОТЕШКОТИИ ВО УЧЕЊЕТО И УЧЕНИ­ЦИТЕ БЕЗ ПОТЕШКОТИИ ВО УЧЕЊЕТО

Апстракт

Состојбата на потешкотии во учењето е до­жи­вот­на состојба што влијае на академското функ­ционирање, секојдневниот живот и на оп­штес­твениот начин на живеење. Учениците со по­те­шкотии во учењето често во академските и други подрачја постигнуваат под нивото, и нај­често со первазивни негативни последици. Ова истражување ја споредува са­мо­ефи­кас­нос­та и надежта на ученици со потешкотии во уче­њето во 30 основни училишта (шесто од­де­ле­ние) со 30 нивни врсници без потешкотии во уче­ње­то. Беше користен дизајнот екс пост-фак­тум. Примерокот за статистичка анализа ги оп­фаќа сите ученици од основните училишта (шес­то одделение) во Харсин, Иран, во текот на учебната 2012/2013 година. Учениците со по­тешкотии во учењето беа случајно избрани. Кај учениците со потешкотии во учењето, по­теш­ко­тиите во учењето беа дијагностицирани со помош на Прашалникот за потешкотии во уче­ње­то од Колорадо. Учениците ги по­пол­ни­ја Векслеровата мемориска скала, Генералната ска­ла за самоефикасност и Скалата за детска на­деж. Податоците беа анализирани преку ана­лиза на варијанса. За компјутерската об­ра­бот­ка на дескриптивната статистика и ана­ли­за­та на варијанти, беше употребен ста­тис­тич­ки­от пакет за општествените науки (SPSS 20). Беа забележани разлики меѓу групите во однос на самоефикасноста и надежта. Овој труд ја по­­­к­а­жува важноста на улогата на са­мо­ефи­кас­нос­та и надежта за учениците со потешкотии во учењето.