ЕТИОЛОГИЈА НА АУТИЗМОТ

Апстракт

Иако постојат добри докази дека аутизмот е мултифакториелно нарушување, сî уште има потреба од добро разбирање на генетските и негенетските причини. Преку емпириски истражувачки наоди е направено испитување на можните причински влијанија. Најсилните докази се однесуваат на важноста на сусцептибилните гени, а ваквите гени треба да бидат идентификувани. Специфичните соматски состојби (туберозна склероза и фрагилен X-синдром) учествуваат со мала пропорција од случаите. Во последните децении е забележано зголемување во стапката на дијагностициран аутизам. Главно објаснување за ова зголемување може да се најде во подоброто откривање и проширувањето на дијагностичкиот концепт. Прогресот во разјаснувањето на причините за аутизмот круцијално ќе зависи од комбинацијата на епидемиологијата со повеќе базични научни лабораториски студии.