ИДЕНТИТЕТОТ ВО РОМАНИТЕ ЗА КРАЛЕ МАРКО НА СЛОБОДАН МИЦКОВИЌ И НА ВЛАДИМИР ЛЕВЧЕВ

Сажетак

Текстот „Идентитетот во романите за Крале Марко на Слободан Мицковиќ и Владимир Левчев“ се однесува на улогата на литературата како имагинарна конструкција во сфаќањето на историското минато и на националната историја. Употребата на ликот на Крале Марко како фигура на меморија го изразува интересот на овие автори за локалната традиција преку актуaлизирање на историското минато во обете општества (Македонија и Бугарија). Во однос на прашањето за идентитетот како социјален конструкт, анализата ќе покаже дека процесите на себеидентификација, како и процесите на колективна идентификација, се зависни од литературните и од историските дискурси со помош на кои, секоја индивидуа и општество ја формираат претставата за себеси.