ЕВОЛУЦИЈАТА НА МОДЕЛИТЕ НА ГЛЕДИШТА ЗА ПОПРЕЧЕНОСТА И НИВНОТО ВЛИЈАНИЕ ВРЗ ИНКЛУЗИВНОТО ОБРАЗОВАНИЕ

Abstract

Истражувањето на различните модели на гледишта за попреченоста дава увид во концепциите и ставовите кон заедницата на лицата со попреченост. Кога зборуваме за врската помеѓу различните гледишта на попреченоста и инклузивното образование, генерално се чини дека постои поврзаност. Од суштинско значење е да се разберат разликите помеѓу различните модели, како и нивните посебни истории, со цел целосно да се разберат концептите на исклучување и инклузија.
Целта на трудот беше да се истражат идеите на различните модели, односно гледишта на попреченост и нивната поврзаност со образовниот систем за ученици со попреченост, или поточно нејзината поврзаност со инклузивното образование. За да се истражи врската помеѓу моделите на попреченост и образовниот систем, беа собрани различни референци од пребарувачите, анализирајќи ја меѓусебната поврзаност помеѓу моделот на гледиште врз попреченоста и инклузивното образование. Овој труд ги анализира четирите главни типови
гледишта на попреченост – медицинскиот, социјалниот, биопсихосоцијалниот и моделите на човекови права – и нивната примена во инклузивното образование. Се чини дека постои силна поврзаност на дадените модели на попреченост со инклузивното образование.
Заклучокот на трудот е дека ниту еден модел не ги адресира целосно сложените потреби на учениците со попреченост. Разбирањето на нијансите на овие модели и нивните ефекти врз учениците со посебни потреби е клучно за креаторите на политиките, едукаторите и засегнатите страни во областа на образованието.