Влијанието на епидемијата со Ковид-19 врз искуствата на повозрасните лица во однос на здравствените услуги

Апстракт

Цел: Одржувањето на побарувачка- та на неопходните здравствени услуги за време на една пандемиска криза е несомнено важно, а особено кога станува збор за повозрасните лица. За таа цел, оваа студија имаше за цел да ги испита факторите поврзани со искуствата во однос на здравствените услуги што им се нудат на повозрасните лица во Израел за време на пандемијата со КОВИД-19. Методи: Спроведена е репрезентативна анкета преку Интернет на 261 повозрасни лица (на возраст над 60 години). Учесниците комплетираа прашања за согледаниот здравствен статус, согледаниот ризик од КОВИД-19, сознанијата за КОВИД-19, нивото на депресија, ресурсите за справување, и искуството во однос на здравствените услуги (контакт со матичен лекар, страв од заразување со вирусот преку директен контакт со здравствениот систем). Беа пресметани две повеќекратни регресии за следните зависни променливи: контакт со матичен лекар за време на КОВИД-19 и страв од заразување со вирусот преку директен контакт со здравствениот систем за време на КОВИД-19. Резултати: Контактот на повозрасните лица со матичниот лекар за време на КОВИД-19 се намалил во однос на нивниот контакт пред пандемијата. Зголемениот број на контакти со ма- тичниот лекар за време на КОВИД-19 се должел на поголемите сознанија за КОВИД-19. Освен тоа, повисокиот сте- пен на страв од заразување со вирусот преку директен контакт со здравствениот систем за време на КОВИД-19 се поврзува со понизок степан на образование, повисок ризик за КОВИД-19 и помали сознанија за КОВИД-19. Заклучоци: Резултатите можат да им дадат на креаторите на јавните здравствени политики поцелосна слика за влијанието на кризата КОВИД-19 кај повозрасните лица. Оваа студија ги посочува карактеристиките и факторите коишто ги охрабруваат/ обесхрабруваат повозрасните лица да бараат здравствени услуги за време на епидемија со вирус, како што е пандемијата со КОВИД-19.