ОДРЖАНА 5. МЕЃУНАРОДНА КОНФЕРЕНЦИЈА „ТРАНСФОРМАЦИЈА КОН ОДРЖЛИВО И ФЛЕКСИБИЛНО ОПШТЕСТВО ЗА ЛИЦАТА СО ИНВАЛИДНОСТ“

Апстракт

Во периодот од 13 до 15 септември 2018 година, во Охрид, Република Македонија, се одржа петтата по ред конференција во организација на Институтот за дефектологија при Филозофскиот факултет во Скопје, со наслов „Трансформација кон одржливо и флексибилно општество за лицата со инвалидност“.

Конференцијата беше организирана по повод одбележувањето на 25-годишнината од започнувањето на студиите по дефектологија во државата.

Првиот конференциски ден беше предвиден за свечено отворање на конференцијата, на кое присуствуваа владини претставници од ресорните министерства за здравство и образование и наука и советници.