ПОДОБРУВАЊЕ НА ПОСТТРАУМАТСКИОТ СТРЕС И ДЕПРЕСИВНОТО ОДНЕСУВАЊЕ ПРЕКУ УВЕЖБУВАЊЕ НА СОСТОЈБАТА НА МОЗОКОТ

Апстракт

Увежбување на состојбата на мозокот (УСМ) е иновативна технологија која ги оптимизира мозочните бранови во реално време за да достигнат баланс и хармонија на човечкиот мозок. Бидејќи функцијата на мозокот е неуравнотежена кај лицата со психијатриски нарушувања и невролошки болести, ние ја испитавме можноста за користење на оваа технологија  која ќе им помогне на луѓето со посттрауматки стресни нарушувања (ПТСН) и депресија. Ние спроведовме пилот студија на 8 возрасни испитаници кои имаа симптоми на ПТСН, депресија и проблеми со анксиозност. Сериозноста на симптомите беше оценета со објективна анкета и Беков прашалник за депресија и анксиозност. После првичната проценка на мозочните мапи, лицата беа подложени на високо персонализирани тренинг-сесии, на пример 4 - 5 сесии во рок од 4 - 5 дена. После примената на (УСМ), ние откривме конзистентно опаѓање на резултатите од Бековиот прашалник, кои имплицираа ублажување на депресивните и анксиозни тенденции. Сите испитаници во студијата одговорија на (УСМ) технологијата и покажаа значително подобрување во квалитетот на нивните животи. Така ние предлагаме дека (УСМ) е остварлив пристап кон оптимизацијата на мозочните бранови за да им се помогне на луѓето да ги надминат здравствените проблеми како резултат на ПТСН и депресија.