НЕДЕЛА НА ОТВОРЕН ПРИСТАП

Апстракт

Оваа година по трет пат се организираше Не­де­ла на отворен пристап со што се при­до­не­су­ва кон подигање на јавната свест за от­во­ре­ни­от ­пристап во науката. Настанот се одржа на 24 oктомври во салата за превод и толкување на Филолошкиот факултет во Скопје. Свои пре­зентации на овој настан имаа: Димитар По­пов­ски – докторанд на отсекот за ин­фор­ма­цис­ки науки во Загреб, проф. д-р Владимир Трај­ков­ски – главен и одговорен уредник на спи­са­ние­то „Дефектолошка теорија и практика“ (ДТП), како и Ирина Шумадиева и Сеад Џи­гал, координатори на проектот Иницијатива за отворени образовни ресурси во Македонија.

На самиот почеток Димитар Поповски ја ис­так­на целта на овој настан, а тоа е про­мо­ви­ра­ње на отворениот пристап во Р. Македонија и по­дигнување на свеста за академското пу­бли­ку­ва­ње со отворен пристап. Недела на от­во­рен пристап всушност  е манифестација што се случува во целиот свет. Вкупно 170-180 зем­ји во моментот организираат ваков тип на нас­та­ни. Димитар Поповски во своето из­ла­га­ње го истакна македонското списание за хе­ми­ја и хемиско инженерство како „онлајн“-спи­са­­ние со највисок импакт-фактор во Ма­ке­до­ни­ја и продолжи со презентација на алатките ,,Зо­­те­ро“ и ,,Менделеј“ кои претставуваат „он­лајн“-ме­на­џери за организација и споделување на ис­тражувачките ресурси. Проф. д-р Владимир Трајковски на при­сут­ни­те им се обрати со темата Open Journal System на Филозофски факултет кој претставува сис­тем за управување и објавување на списанија, раз­­­виен од Public Knowledge Project (PKP). OJS е дизајниран специфично да помогне на ис­­тра­жувачите и факултетите во пу­бли­ку­ва­ње­то на рецензирани списанија од отворен прис­тап. Проф. Трајковски во понатамошното из­­ла­гање ја објасни целта на ОЈС, потребата и ка­рактеристиките на ОЈС, неговата флек­си­бил­­ност и предност.

Потоа следуваше презентација од Ирина Шу­ма­дие­ва и Сеад Џигал за придонесот на Ме­та­мор­фо­зис во областа на отворениот пристап и от­во­ре­ни­те образовни ресурси, во ис­так­ну­ва­ње на раз­виените алатки и содржини кои мо­жат сè уш­те да се користат од заи­нт­ер­е­си­ра­ни­те страни.

За сите кои не беа во можност да при­сус­тву­ва­ат на овој настан беше обезбеден видеостри­минг.