XI ИНТЕРНАЦИОНАЛЕН КОНГРЕС НА АУТИЗАМ ЕВРОПА

Апстракт

Во периодот од 16 до 18 септември 2016 го-дина во историскиот град Единбург ќе се одржи XI интернационален конгрес на Ау-тизам Европа во организација на Нацио-налната организација за аутизам од Велика Британија. Тема на Конгресот во 2016 година ќе биде „Среќни, здрави, со поголема самодоверба“. Конгресот ќе се фокусира на најновите случувања во областа на аутизмот, вклучувајќи ги причините, генетиката, дијагностиката и раната интервенција, третманот, обра-зованието, поддршката, вработувањето, правата и политиките за лицата со аутизам и многу повеќе. При тоа, ќе биде презен-тиран досегашниот напредок во науката, во правата и услугите на децата и лицата со аутизам и ќе биде претставен идниот правец на развој на настаните, знаењата и технологија за лицата со аутизам, кои наскоро можеби ќе станат дел од секојдневниот живот.
Пленарни предавачи на Конгресот ќе бидат:
- професорот Fred R. Volkmar во сесијата „Состојбата на аутизмот: Аутизмот денес - што знаеме а што не знаеме?“;
- Peter Vermeulen во сесијата „Фокусирање на позитивноста: мерење на резултатите на лица со аутизам од поинаква перспектива“;
- Wenn Lawson ќе ја предводи сесијата „Аутизмот и стареењето“;
- професорот Roy Richard Grinker во сесијата „Културното потекло и иднината на спектарот на аутистични нарушувања“;
- професор Liz Pellicano - „Кон новата наука за аутизмот - градење рамка за учество“;
- професорот Тоmmy MacKay ќе ја предводи сесијата „Праксата на аутизмот денес - каде се пропустите?“
- Gunilla Gerald во сесијата „Да се биде про-фесионалец во областа на аутизмот: кои се најважните алатки (и како да се користат)“;
- Hejlskov Elvén, клинички психолог - „Влијание на регулацијата и самоконтролата: користење на пристапи со низок праг на возбуда кај лица со комбинирана попреченост“;
- Virginia Bovell, родител и истражувач - „Лекување наспроти прифаќање - етички проблеми“.
Работилниците ќе бидат предводени од:
- Diederik Weve, инженер и возрасна лице со аутизам: „Создавање на работни места за лицата со аутизам“;
- Gina Davies, логопед и советник за спиење: „Да се започне рано - критичната важност на раната интервенција кај децата со аутистичен спектар на нарушувања“;
- Wendy Keay-Bright, професор по техноло-гија и инклузија: „Употреба на технологи-јата за поврзување на превербалните деца и возрасните“.
На овој Конгрес, во рамките на ESIPP-проектот (Equity and Social Inclusion trough Positive Parenting), ќе учествуваат и членови на Македонското научно здружение за аутизам, претседателот на Македоснкото научно здружение за аутизам проф. д-р Владимир Трајковски и потпретседателката м-р Јасмина Трошанска. На маргините на Конгресот, ќе се одржи и четвртиот транснационален состанок на тимот од ESIPP-проектот (Equity and Social Inclusion trough Positive Parenting).