ДРАМСКАТА АКТИВНОСТ КАЈ АДОЛЕС­ЦЕНТИТЕ СО ФИЗИЧКА ПОПРЕЧЕНОСТ

Апстракт

Драмската активност претставува голем пре­диз­вик за адолесцентите со физичка попрече­ност, а во исто време им овозможува многу ис­кус­тва за животот.
Адолесцентите се едуцираат и низ театарската активност. Играјќи безброј нови улоги, го раз­ви­ваат својот став кон културата на уметноста, а најмногу од сè добиваат увид во различните животни ситуации, кои на многу од нив не им биле познати дотогаш. Преку искуството на различните улоги, адолесцентот стекнува лично признание, поминува низ процес на персонална промена и така ги тестира своите лични пер­цеп­ции за животот.
Во однос на драмската активност ние ја следи­ме прифатената изрека дека да се биде различен е исто така предност. Главната цел на драм­ска­та активност постепено се реализира низ про­гра­ма: запознавање со себе и театарскиот ме­диум воопшто. Адолесцентите се среќаваат со повеќеслојна комуникација и јавен настап, што им помага во личниот живот.