ПОЛАГАЊЕ НА СТАНДАРДИЗИРАНИТЕ ОЦЕНУВАЊА СО ИЗБЛЕДУВАЊЕ НА НАСОЧУВАЊАТА

Апстракт

Вовед: Актот за незапоставување на ниедно дете од 2001, наложува сите ученици да се проверуваат на ниво на вештини на државните тестирања. Тоа значи и учениците со тешкотии во учењето и со интелектуални пречки, кои инхерентно се под нивото на одделението. Со оглед на тоа дека училиштата се одговорни за остварување на овие цели и дека некои држави не дозволуваат учениците да го завршаат училиштето ако не ги поминат проценките, ова е голема грижа за учениците, родителите, наставниот кадар и администрацијата.

Метод: Четириесет и пет ученици со тешкотии во пишувањето или со интелектуални пречки учествуваат во ова квазиекспериментално, поединечно-групно истражување, со преттестирање-посттестирање, коешто ја оценува ефикасноста на избледување на насочувањата преку графички организиран метод за ученици што имаат тешкотии во учењето и интелектуални пречки за писмено изразување мерено според пенсилванискиот систем на училишно оценување.

Резултати: Податоците беа анализирани со четири дихотомии за одредување на процентот на разликите, кои ги споредуваат спроведените преттестови и посттестови од наставниците, преттестовите и спроведените државни ПССАⁱ , спроведените посттестови од наставниците и ПССА, и учесниците на ПССА и просечниот државен ПССА-резултат. Сите четириесет и пет ученици ги изведоа тестовите под основното ниво на основното ниво и на ниво на вештини на посттестовите. За научените вештини генерализирани според ПССА, четириесет и три ученици добија преоден резултат за нивото на вештини, додека двајца ученици напреднале до основното ниво.

Заклучок: Базирано на резултатите од оваа студија, препорачливо е оваа програма да се користи за учениците со тешкотии во учењето и со интелектуални пречки, барем додека да се спроведе некое следно истражување.