Континуитет и промени во социјалната работа (македонски контекст)

Апстракт

Феноменот социјална работа, кој привлекува кон своите
хумани активности многубројни групи на волонтери од невладиниот
сектор, активисти на хуманитарни организации, локални лидери,
мисионери на сите верски заедници, а пред сè професионално
подготвени лица, е придружен елемент на човековото битие. Сепак,
од аспект на професија, можеме да зборуваме за неа од 1900 година
кога Мери Ричмонд го вовела поимот социјален работник. Во сите
години кои поминале од тој настан се случувало многу, но од нив
најкарактеристична била, и сè уште постои, борбата за научна
самостојност на социјалната работа, настојувањата за државното
признавање како професија, развој на посебен методски опус,
социјалното управување, етичката компатибилност и соодветното
образование.