Годишна конвенција на Европската Платформа против сиромаштија и социјална исклученост, Брисел, 5-7 Декември 2012

Апстракт

Европската Платформа против сиромаштија и социјална исклученост е една од предводничките иницијативи на Стратегијата Европа2020 за паметен, одржлив и инклузивен раст. Таа беше креирана во 2010 година и ги поставува активностите за постигнување на ЕУ целта за намалување на сиромаштијата или социјалната исклученост за најмалку 20 милиони до 2020 година. Втората Конвенција на Европската Платформа против сиромаштија и социјална исклученост беше организирана од 5 до 7 Декември 2012 година, во Брисел. Целта на Конвенцијата беше да го согледа прогресот направен кон постигнувањето на целта за намалување на сиромаштијата, но истовремено послужи и како форум за консултации за претстојниот Пакет за социјални инвестиции.