Политиката на вработување и економската криза

Апстракт

Како што може да се забележи од самиот наслов на темата,
освртот има за цел да се даде еден приказ на уставните решенија
и политиката на вработување во Република Македонија. Со оглед
на тоа што просторот кој е определен за овој труд е ограничен, а
прашањето кое се елаборира е значајно и деликатно, се настојува
да се подвлечат поважните моменти и клучните зборови. Во таа
насока, во трудот се прави обид научно да се објасни институцијата
вработување и вработеност. Овие се две важни институции кои се
во директна врска со правото на вработување, како тема која се
елаборира. Овие институции се објаснуваат од аспект на правните
теории во науката на трудовото право и во науката на социјалното
право.