ПОВРЗАНОСТ НА НАСИЛНО ОДНЕСУВАЊЕ СО САМОПОЧИТУВАЊЕТО КАЈ УЧЕНИЦИТЕ ОД ОСНОВНОТО ОБРАЗОВАНИЕ

Abstract

Низ процесот на растење, а и во текот на целиот живот,
изложени сме на бројни влијанија од средината кои се одразуваат на
нашите размислувања и на однесувањето. Ефектите од тие влијанија
зависат од периодот на живот во кој поединецот се наоѓа, од
ситуациските фактори, од моќта на одделни фактори, како и од
особините на личноста. Евидентно е дека социјализацијата во
значајна мера го определува однесувањето на поединецот во групата.
Влијанието на врсниците е составен и значаен дел од растењето,
развојот, идентитетот на поединецот и формирањето на неговите
навики и однесување. Низ процесот на социјализација детето ги
стекнува своите вредности и ставови, прифаќа конструктивни и
деструктивни модели на однесување.