СОВРЕМЕНАТА СЛИКА НА МИГРАНТИТЕ ВО ФИЛМОТ ЗЕЛЕНАТА ГРАНИЦА ОД АГЊЕШКА ХОЛАНД

Апстракт

Студијата се занимава со аспектите на структурата на игран филм снимен со постапки што се потпираат на документарен текст со кој се архиви-ра историјата на миграцискисте движења во сегашноста во Европа. Пристапот на Агњешка Холанд во филмот Зелена граница поттикнува анализа што оваа студија ја врзува за будењето свест, емпатија и солидарност кај гледачот. Нарацијата се однесува на серија од сцени што ги вклучуваат траумите на различни групи миг-ранти, од различни земји, меѓутоа фокусот е врз оние што потекнуваат од Блис-киот Исток и од Африка. Просторот на кој се случува драмата на мигрирањето е зоната меѓу границите на Белорусија и Полска, каде што мигрантите се изложени на повеќекратни движења напред и назад под влијание на насилно однесување на граничните служби од двете страни; инаку, нивните бесмислени движења кон Полска и назад кон Белорусија и обратно се одвиваат на ризичен терен од шуми и мочуришта меѓу двете граници. Нарацијата се потпира на дејства што се репе-титивни како и траумата, се повторуваат постојаните прогонувања, тортурирања и изложеноста на ризик и смрт. Мрежата од учесници, според промислувањата на режисерката, е проширена со вмрежување и приближено следење на приватните животи на мигрантите, на службениците на границата, на активистите. Со вклучу-вање на феноменолошкиот пристап се актуелизира прашањето за моќта и спозна-вањето на суштината, преку соголување на појавите обележани со ужас, траума и измачувања во сите три групи на учесници, меѓу мигрантите, меѓу службениците на границата и меѓу активистите. Гледачот е целта кон чие освестување и реакција во хумана и морална смисла е насочена нарацијата на овој филмски текст.