УЛОГАТА НА СЕМЕЈСТВОТО ПРИ ИНТЕРВЕНЦИЈА ВО РАНОТО ДЕТСТВО. ТЕОРЕТСКИ ПРИСТАП КОН УЧЕСТВОТО НА РОДИТЕЛОТ И ЗГОЛЕМУВАЊЕТО НА ЕФИКАСНОСТА НА ИНТЕРВЕНЦИЈАТА ВО РАНОТО ДЕТСТВО

Апстракт

Интервенцијата во раното детство (ИРД) кај ранливите деца на возраст помеѓу 0-3/6 години може да се смета за добро изградена услуга за згрижување во Европа. И покрај тоа што неодамнешните епидемиолошки податоци покажуваат повисоки стапки на ранливост во детството и младоста, традиционално ИРД е одговорна за 6% од децата. Дефинициите за ИРД опфаќаат од стабилни или неформални трансдисциплинарни тимови кои работат со детето, па сè до конкретни професионални профили. Постои научен консензус поврзан со ефектите на ИРД врз развојот на детето и динамиката на семејството, со постабилни ефекти врз социјално-емотивниот развој на детето и врската „дете-родител“. Посебно внимание е посветено на улогата на родителите како примарни заштитници. Врз основа на важноста на зацврстувањето на интеракцијата помеѓу родителите и децата, овој труд ги дискутира стратегиите кои ја зголемуваат ефикасноста на ИРД преку ангажирани родители. Особено внимание е посветено на взаемното разбирање, транспарентноста и користењето на заеднички јазик како што е ИЦФ.