ПРВ КОНГРЕС СО МЕЃУНАРОДНО УЧЕСТВО ЗА СТУДЕНТИТЕ ПО СУРДОЛОГИЈА - „ДА ЈА ПОБЕДИМЕ ТИШИНАТА ЗАЕДНО“

Апстракт

Во периодот од 22-24 март 2008 година во Белград, Република Србија беше одржан првиот Конгрес со меѓународно учество за студентите по сурдологија. Овој Конгрес беше организиран од страна на студентите на Факултетот за специјална едукација и рехабилитација на Универзитетот во Белград. На Конгресот имаше учесници од Македонија, Хрватска, Босна и Херцеговина, Словенија и Србија. Целта на Конгресот беше да се разменат искуствата во областа на образованието и рехабилитацијата на лицата со оштетен слух.
Студентите имаа можност да ги презентираат своите трудови во некоја од следниве области:

• превенција на оштетување на слухот;
• детекција на оштетување на слухот;
• дијагностика на оштетување на слухот;
• аудиопротетика;
• рехабилитација на лицата со оштетен слух;
• дете со оштетен слух во настава;
• култура на глувите;
• развој на јазичниот израз кај децата со оштетен слух;
• знаковен јазик;
• психологија на глувите лица;
• професионалното оспособување на лицата со оштетен слух.