3ТИ ДЕКЕМВРИ – МЕЃУНАРОДНИОТ ДЕН НА ЛИЦАТА СО ХЕНДИКЕП

Апстракт

Верни на традицијата и оваа година меѓу­на­род­ниот ден на лицата со инвалидност беше достојно одбележан на Филозофскиот факу­л­тет, во организација на Институтот за дефек­тологија. Манифестацијата започна со ликовна колонија во која учество зедоа децата од посебните основни училишта. Во неа децата преку цртање и изразување имаа можноста да се забавуваат, дружат и секако да го привлечат вниманието на присутните преку истакнување на своите можности и способности.

Во официјалниот дел од манифестацијата свое обраќање имаа деканот на Филоз­о­ф­скиот факултет, проф. д-р Горан Ајдински, рако­водителот на Институтот за дефек­то­ло­гија доц. д-р Зоран Киткањ и Министерот за труд и социјална политика Џељаљ Бајрами. Во рамките на своите обраќања, говор­ни­ците зборуваа за тоа што досега се реа­ли­зи­рало во рамките на воспитно-образовниот про­цес на лицата со инвалидност, за инсти­ту­цио­налната и вонинституционалната заш­тита која им се обезбедува на овие лица, за зако­нските регулативи кои ги штитат пра­ва­та на лицата со инвалидност, но и идните пла­нови и активности кои мора да се пре­зе­мат со цел да се унапреди целокупниот трет­ман кон овие лица.

Од страна на проф. д-р Љупчо Ајдински бе­ше доделена наградата за студент на гене­ра­ци­јата  на  Институтот  за  дефектологија  за 2005-2009 година, која оваа година и при­пад­на на Христина Митрева. Кул­турно забавниот дел беше успешно реализиран од страна на учениците од ПОУ „Св. Климент Охридски“ од Ново Село, Стру­­мичко.

До наредното одбележување на овој ден ни оста­нува обврската постојано да работиме кон подобрување на едукативниот, кли­ни­чкиот и социо-економскиот дел на реха­би­ли­тацијата и создавање на услови за што пого­лемо вклучување на лицата со инвалидност во сите сфери на општеството.