НОВО ИСТРАЖУВАЊЕ ЗА РОМСКИОТ ЈАЗИК ВО ИСТОЧНА СЕВЕРНА МАКЕДОНИЈА: МАЛЕШЕВСКИОТ ДИЈАЛЕКТ

Апстракт

Во оваа статија се претставуваат нови податоци за претходно неопишаните ромски варијанти, што се зборуваат во источниот дел на Република Северна Македонија, конкретно во географската област Малешево. Овие дијалекти, кои припаѓаат на групата јужнобалкански дијалекти на ромскиот јазик, се одликуваат со неколку карактеристики, што ги разликуваат од другите дијалекти што се зборуваат во Северна Македонија (првенствено во Скопје), но истовремено се поврзуваат и со ромските дијалекти од Југозападна Бугарија. Распределбата на овие ромски варијанти се поклопува со географската поделба на јужнословенските дијалекти и, според прифатената терминологија, можат да се наречат малешевско-пирински. Покрај опишувањето на нивните типични дијалектни карактеристики, во ова истражување посебно внимание им се посветува на заемките од локалните македонски дијалекти.