ВЛИЈАНИЕ НА ПЛОДНОСТА НА ПОЧВАТА ВРЗ ХЕМИСКИОТ СОСТАВ НА ЛИСТОВИТЕ КАЈ ДВЕ СОРТИ ВИНОВА ЛОЗА ВО УСЛОВИ НА ТИКВЕШКОТО ВИНОГОРЈЕ INFLUENCE OF SOIL FERTILITY ON THE CHEMICAL COMPOSITION OF LEVELS IN TWO VARIETIES OF VINEGAR IN CONDITIONS OF TIKVES WINE REGION

Abstract

Испитувано е влијанието на плодноста на почвата врз хемискот состав на листовите кај две сорти винова лоза: кардинал и афус али одгледувани во услови на тиквешкото виногорје. Испитувањата се вршени во текот на 2013 година. Во ноември 2012 година за исхрана на двете сорти винова лоза употребено е арско ѓубриво во количина од 20 тони на хектар. Почвените проби беа земени после бербата одделно за секоја сорта. Почвените проби беа земени на длабочина од 0-20cm, 20-40 cm, 40-60 cm и 60-80cm. Лисните проби беа земени пред бербата. За анализа беа користени долните листови наспроти првиот грозд земени од сите страни на виновата лоза. Утврдено е дека со подобра почвена плодност се карактеризираат почвените проби под сортата кардинал. Кај почвените проби под сортата кардинал просечната содржина на испитуваните елементи изнесува: 6,6 mg/100g почва достапен азот, 14,42mg/100g почва достапен фосфор 25,70 mg/100g. почва калиум и 1,41% хумус. Во лисните проби од сортата кардинал констатирана е повисока содржина на макробиогените елементи азот (2,17%), фосфор (1,80%) и калиум (1,30%), а во споредба со лисните проби од сортата афус али. Повисока содржина на калциум (3,50%) и магнезиум (0,70%) утврдена е во лисните проби од сортата афус али во споредба со лисните проби од сортата кардинал.