СТРУКТУРНИ ПРОМЕНИ НА СЕМЕЈСТВОТО: ПЕРЦЕПЦИИ ЗА НОВИ МОДЕЛИ НА СЕМЕЈНИ ЗАЕДНИЦИ ВО РЕПУБЛИКА СЕВЕРНА МАКЕДОНИЈА

Апстракт

Историските и демографски процеси влијаеле значително на трансфор-
мацијата на традиционалното во модерно семејство, при што ја промениле не-
говата структура, функции, партнерските односи, како и родителството и
воспитувањето на децата, перцепцијата за бракот, разводот, наталитетот
итн. По индустриската револуција нуклеарната форма на семејство станува
доминантен модел на семејство во Европа и е сè уште најзастапен и во маке-
донското современо општество.
Општествени промени како глобализацијата, индивидуализацијата, се-
куларизацијата, како и динамиката на современото живеење довеле до нови
форми на семејства кои се одраз на современите општества. Во овој труд ќе би-
де претставена кратка анализа на структурата на семејствата, трансформа-
цијата од традиционално кон модерно семејство и новите модели на семејства.
Конкретно ќе бидат подетално елаборирани вонбрачните заедници, мултиет-
ничките семејства и истополовите заедници во РС Македонија и ќе бидат пре-
зентирани резултатите од квалитативно истражување за перцепцијата на
овие модели на семејства во РС Македонија спроведено во текот на 2019 година.