РЕФЛЕКСИИ ОД ТРЕТИОТ КРСТОНОСЕН ПОХОД ВРЗ ПОЛОГ

Апстракт

Преминувањето на германските крстоносци од Третиот крстоносен поход низ Балканот, предводени од Фридрих I Барбароса, резултирало со нивен конфликт со Византија. Ваквата ситуација вешто ја искористил српскиот велики жупан Стефан Немања за реализирање на своите цели. При неговите воени навлегувања, кои го опфатиле просторот од горниот тек на р. Струма, преку северозападните делови на Македонија, до Косово и долината на Јужна Морава, во временскиот интервал од првата декада на декември 1189 г. до првата половина на јануари 1190 г., бил освоен Полог. Областа, потоа, била инкорпорирана во рамките на српската држава, сè до есента 1190 г. (битката на р. Морава), кога победоносните византиски војски го вратиле Полог, заедно со претходно одземените земји, во рамките на Византија.