СТИЛСКИТЕ ОСОБЕНОСТИ ВО ТВОРЕШТВОТО НА НИКОЛАЈ ВАСИЛЕВИЧ ГОГОЉ

Апстракт

Овој труд претставува дипломска работа во која се истражени стилските особености во творештвото на рускиот писател Николај Василевич Гогољ, а се темели на целокупен осврт и анализа на литературните дела, на книжевните стилови што се среќаваат во нив, како и на литературниот текст и јазичните особености што се среќаваат во него. Покрај ова, земен е предвид и историскиот период во кој творел писателот, првенствено литературните правци како критичкиот реализам и националниот романтизам, нивното влијание на книжевниот стил, вклучително и општествените влијание од сферата на религијата, политиката, идеологијата, доминантните идеи, ставови и сфаќања на луѓето во тогашната Руска империја.