ЗА ОДРЕДЕНИ ДИЈАЛЕКТНИ ОСОБЕНОСТИ ВО ДЕЛАТА КРПЕН ЖИВОТ И ТОЛЕ ПАША НА СТАЛЕ ПОПОВ

Апстракт

Многу македонски писатели во своите дела користеле зборови што потекнуваат од народот, без притоа да ги приспособуваат на литературниот јазик, а со тоа го збогатувале и самиот вокабулар. Голем фонд на дијалектно употребени збороформи има во делата на големиот македонски писател Стале Попов, поради што нашето внимание го посветуваме на дел од лексиката употребена во неговите дела. Во трудот спроведовме и статистички преглед на фреквентните дијалектизми, а воедно изведовме заклучоци од спроведената анализа.