КУЛТОТ НА СВЕТИ ЃОРЃИ ОДРАЗЕН ВО НЕКОЛКУ МИКРОТОПОНИМИ ВО ЗАПАДНА МАКЕДОНИЈА

Апстракт

Текстот го реинтерпретира потеклото на неколку микротопоними во Западна Македонија, притоа базирајќи се на теренски податоци што укажуваат дека со нив се сврзуваат определени обичајно-обредни практики за пролетната прослава на христијанскиот светец Ѓорѓи. Проследувањето на Ѓурѓовденските верувања и практики овозможува подлабоко да продреме во толкувањето на топономискиот материјал, а мотивите за именувањето на овие места ги лоцираме во христијанскиот светец Ѓорѓи, односно во неговите нехристијански, словенски пандани.