СТАНИСЛАВ МЛОДОЖЕЊЕЦ: ПРЕДИЗВИЦИ ВО ПРЕВЕДУВАЊЕТО И МИСТЕРИОЗНОСТА НА „MOSKWA“

Апстракт

Во овој труд ќе го претставиме полскиот поет и футурист Станислав Млодожењец и неговата песна „moskwa“, како и различните проблематики поврзани со нив. За да дадеме целосна слика за творештвото на Млодожењец, во кратки црти ќе го опишеме футуризмот заедно со неговите претставници во Полска. Песната „moskwa“ постепено ќе биде анализирана и дел по дел „расклопена“ на помали целини, кои ќе бидат посебно објаснети. Меѓу сите загатки што ги поставил Млодожењец, ќе се запознаеме со неговата тајна алатка и клуч кон пораката на песната – Морзеовата азбука. Со претходно наведената Морзеова азбука ќе имаме прилика да го разгледаме преводот на македонски јазик, кој го имплементира стилот на пишувањето на Млодожењец. Сите прашања и одговори за изборот на зборовите и еквивалентите во преводот ќе бидат разјаснети тука, како и можни варијанти. Освен преводот и анализата на песната, ќе се обидеме да создадеме посебно дело со помош на стилот на Млодожењец, кое на сличен начин ќе ја рефлектира ситуацијата во Македонија. Целта на овој труд е да се постави скица за тоа како може да се преслика и да се преведе дело сложено како „moskwa“, кои алатки ќе бидат користени, како и разбирање на пораката и менталниот карактер на писателот, како клучни чекори кон успешен книжевен превод.