20 ГОДИНИ ИНФОРМАТИВНА ЕМИСИЈА ЗА ГЛУВИ НА МАКЕДОНСКАТА ТЕЛЕВИЗИЈА СО ГЕСТОВЕН ГОВОР

Апстракт

Глувоста-на која ñ се посвети науката, човештвото, медиумите, со многу болка е состојба која доаѓа и најчесто останува во доживотен придружник. Ве преселува во еден помал и поинаков свет, во кој птиците не пеат, џагорот не допира до душата. Нуди нов јазик, во кој рацете стануваат главно оружје на изразување, а битката во тишината е сурова и непрекидна.
Во раздиплувањето на тајните и чудесата во една своевидна вселена на молкот.
Согледувајќи ја потребата за пошироко информирање на јавноста за лицата што имаат оштетен слух и говор, како и на самите нив, Македонската телевизија се вклучи уште пред речиси 20 и овозможи во својата програма информативни емисии со мошне разновидна содржина. Иницијативата дојде од тогашниот "Сојуз на глуви и наглуви лица" на Југославија, кој изврши притисок во базичните медиумски куќи да почнат да подготвуваат неопходни услови за развој на единствената емисија насловена како "Светот на тишината". На почеток беше емитувана како колажна емисија, во која партиципираа со свои прилози осум ТВ-куќи, со времетраење од 40 минути еднаш месечно.