СПЕЦИЈАЛНА ЕДУКАЦИЈА И РЕХАБИЛИТАЦИЈА НАУКА И / ИЛИ ПРАКСА

Апстракт

„Специјална едукација и рехабилитација – наука и/или пракса“ беше насловот на прва­та меѓународна конференција одржана во Сомбор, Република Србија, во периодот од 22 до 24 октомври 2010 година. Конфе­рен­ци­јата беше во организација на Друштвото на дефектолози на Војводина, Одделението за соматопедија при Факултетот за спе­ци­јална едукација и рехабилитација при Уни­вер­зитетот во Белград, УГ Ресурсен центар за специјална едукација од Белград и Дру­штво­то на дефектолози на Сомбор.

  Конференцијата беше посетена од околу 100 гости од различни земји: Словенија, Хрва­тска, Босна и Херцеговина, Чешка, Маке­донија и др., со над 60 пријавени тру­дови. Трудовите и нивните презентации беа орга­низирани во 6 тематски рамки: соци­јална вклученост на лицата со инвалидност, Популаризација и промоција на уна­пре­ду­ва­њето на функционалниот статус на дефек­то­ло­зите, Рана интервенција во специјалната еду­кација и рехабилитација, Индивидуален трет­ман при развојни пречки и тешкотии, Сер­висни центри – ресурсни промени, Обра­зование и интеграција на деца и мла­динци со пречки во развојот и возрасни лица со инвалидност и 14 постер презен­та­ции за: надворешно вреднување и развој на инклу­зивни училишта, манипулативна веш­тина  и  влијание  на  соматопедски  третман кај деца со породилна траума на plexus brachialis, влијание на соматопедскиот трет­ман на развојот на координацијата како бази­чна моторичка способност кај децата со оштетен вид, образование на осудени во казнени услови, подигнување на капа­ци­те­тите во работата во училиштата за обра­зо­ва­ние на деца со пречки во развојот, ставови на студентите од Факултетот за специјална еду­кација кон лицата со инвалидност, нови ака­демски профили во специјалната еду­ка­ција и рехабилитација, етички ставови за ко­х­ле­арната имплантација, специјална еду­ка­­ција и рехабилитација во Војводина, зна­че­ње на спортот и рекреацијата во соци­јал­ната инт­еграција на домските корисници, со­ци­ја­лно надградување на бихејвиоралните сис­­те­ми на младите без родителска грижа, ге­не­­тски аспекти на хендикепот, алтер­на­ти­вни тераписки постапки во реха­би­ли­та­ција на лицата со аутизам, креирање на про­гра­ма на физички активности за постари лица.