DOWN-СИНДРОМ ПРЕДИЗВИК ЗА РОДИТЕЛОТ, ПОДДРШКА ЗА ЗРЕЛОСТ НА ОПШТЕСТВОТО – ТРИБИНА

Апстракт

На 15.10.2011, на Филозофскиот факултет во Скопје, во големиот амфитеатар се одржа три­бина под наслов „Down-синдром пре­диз­­вик за родителот, поддршка за зрелост на оп­штеството“. Трибината беше во ор­га­ни­­за­ци­ја на Македонското научно здру­же­ние за ау­тизам и Здружението „Трисомија 21“ од За­греб, Р. Хрватска.
Целта на трибината беше да се поттикне заед­ницата на една сеопшта сен­зи­би­ли­зи­ра­ност со отворени ставови, како и да се прет­ста­ват потребите на лицата со Down-син­дром како рамноправни членови на оп­штес­тво­то, а во прилог на поголеми придобивки од државните институции за што по­ква­ли­те­тен начин на живеење како за нив, така и за чле­новите на нивните семејства.
Овој настан беше медиумски покриен, а при­сут­ни беа преку 300 лица. Во аудиториумот мо­жеше да се забележат родители, студенти, струч­њаци и лица со Down-синдром.
Меѓу присутните беше амбасадорот на Р. Хр­­ватска, а поздравен и воведен говор има­ше продеканот за меѓународна соработка на Фи­ло­зофскиот факултет, проф. д-р Лена Да­мо­вска. Според програмата, госпоѓа Хелена Ме­лов­ник Зрињски, родител и извршен директор на „Трисомија 21“ од Загреб, пред при­сут­ни­те ги презентираше своите искуства како ро­ди­тел на дете со Down-синдром низ трудот со наслов „И моето дете има Down-синд­ром“.
Росица Колева, постдипломец на Уни­вер­зи­те­тот во Кембриџ, сподели искуства во од­нос на инклузијата на лицата со Down-синд­ром во редовните  училишта во Англија.
Прим. м-р на медицински науки Миливој Кра­мариќ, психијатар во „КБЦ Ребро“, Заг­реб, Хрватска, говореше за грижата за мен­тал­ното здравје на лица со интелектуални на­рушувања во Р. Хрватска.
За значењето на фенокопиите во клиничката прак­тика, говореше д-р Елизабета Зисовска, пе­дијатар-неонатолог од Клиниката за ги­не­ко­логија и акушерство во Скопје.
Д-р Ацка Тушевска, специјализант по пси­хи­јатрија при „КБЦ Ребро“ Загреб, РХ/ПК Скоп­је, со своето предавање ги опиша пост­пар­талните депресивни состојби кои се сре­ќа­ваат кај жени кои родиле дете со Down-синд­ром.
На крајот со свое предавање се претстави прет­седателот на Македонското научно здру­жение за аутизам, проф. д-р Владимир Трај­ковски кој говореше за новините во ге­не­тиката на Down-синдромот.
По сите излагања на предавачите, се отвори ед­ночасовна плодна дискусија во која учес­тву­ваа студенти од повеќе факултети, ро­ди­те­ли, стручни лица од повеќе области.