Моралните аспекти на јудаизмот, христијанството и исламот

Апстракт

Во современото општество многу фактори имаат влијание врз севкупни-
те општествени текови и со право може да се каже дека нема ниту една општес-
твена сфера која не останува недопрена од промените што се случуваат секој-
дневно. Покрај низата специфики на современото живеење, секако дека посебна спе-
цифика е религијата, како еден од најсложените општествени феномени. Совреме-
ните социолози на религија го истакнуваат ставот дека и во 21 век, во ерата на гло-
бализација и интернет-револуција, религијата не само што не го губи здивот со сов-
ремието, напротив, сè повеќе се етаблира во општественото милје. Но она што е
посебно значајно кога говориме за религијата е потенцирањето на моралните ас-
пекти, посебно на доминантните монотеистички религии (јудаизам, христијан-
ство, ислам), како општочовечки морални вредности и со чие прифаќање личноста
морално и вредносно ќе се надгради.