Приказ на прашалникот за перцепирано родителско прифаќање-отфрлање (PARQ)

Апстракт

Многу психолошки теории ја опишуваат поврзаноста на родителското од-
несување со децата и карактерните особини што се развиваат кај нив. Една од по-
истакнатите теории е теоријата за родителско прифаќање/отфрлање (Parental
Acceptance Rejection Theory - PART), чиј автор е Роналд П. Рохнер, а кој, исто така, е
автор на повеќе прашалници кои го мерат интерперсоналното прифаќање/отфрла-
ње (со англиски називи PARQ).
Целта на овој труд е да се опишат инструментите со кои се мери прецеп-
цијата на родителското прифаќање/отфрлање од страна на децата, родителите
за своите родители и перцепцијата на родителите за својот однос кон децата. Тоа
се следниве инструменти: PARQ за деца, PARQ за родители и PARQ за возрасни. Си-
те инструменти имаат две супскали за мајката и за таткото посебно. Како и во
57 земји во светот, и во нашата македонска популација е направено приспособување
на наведените инструменти, со реверзибилен превод, и се добиени мерки на релија-
билност на инструментот и на ајтемите. Добиени се следниве резултати за рели-
јабилност на инструментите: Cronbach`s Alpha на PARQ за деца за мајка е 0,91 за
татко 0,93; Cronbach`s Alpha на PARQ за родители изнесува: за мајка 0,82, додека за
татко е 0,81; Cronbach`s Alpha на PARQ за возрасни за процена на мајка е 0,91, додека
за татко изнесува 0,90. Според тоа, постојат индикации дека овие инструменти
би можеле да се користат и на македонската популација во истражувачки цели, но
и во клиничката пракса по преземање соодветни постапки за стандардизација.