Мултикултурните работилници и инклузијата на учениците Роми во основното образование

Апстракт

Програмата „Мултикултурни работилници“ беше промовирана со цел на
учениците од различните етнички заедници да им се создадат можности за меѓу-
себна интеракција преку различни колаборативни заеднички активности, дизајни-
рани така да можат да им обезбедат услови на учесниците да учат едни од други
за културата на другите.
Во овој труд се презентирани резултатите од квантитативното истра-
жување спроведено во два наврати, во едно двојазично училиште во земјата каде
што учат и ученици Роми кои главно посетуваат настава на македонски јазик. Ис-
питаници беа вкупно 58 ученици – Македонци и 63 Албанци од четири возрасни гру-
пи кои учествуваа во циклус кој се состои од 12 до 15 мултикултурни работилници
во кои беа вклучени и ученици Роми. За да се процени ефектот од изложеноста на
програмата врз тоа како учениците ги перципираат Ромите, на сите им беше зада-
ден инструмент со кој се идентификува изразеноста на социјалната дистанца,
стереотипите и довербата кон нив, како и групната анксиозност и подготвеноста
за позитивна акција.
Земајќи ги предвид резултатите кои укажуваат на тоа дека кај учесници-
те во програмата се појавиле разлики во тоа како ги перципираат Ромите по зав-
ршувањето на циклусот работилници, се заклучува дека под определени услови, на
овој пристап може да се гледа како на пример за добра практика во интеграција на
учениците Роми во основното образование.