Споделени истории, личности, традиции. Европски примери

Апстракт

Целта на овој труд е да се покаже улогата на заедничкото минато во поја-
вата и развојот на некои помали европски нации. На Балканот, кога е во прашање
заедничкото минато, се гледа исклучиво низ призмата на национализмот. Кога не-
кој говори за заедничка историја, тоа го прави со цел да покаже дека другиот во таа
историја нема свое минато. Низ светот постојат повеќе примери на споделена ис-
торија и таа по правило не претставува проблем, освен во нашиот регион. Исто
така, улогата на една личност во минатото на два или повеќе народи е многу честа
појава и таа не би требало да претставува основа за недоразбирање и конфликт.
Менливоста на етничкиот идентитет не е поврзан само со Балканот, туку го има
и во некои други европски држави. Таков е случајот, на пример, со Литванија. Исто
така, кога е во прашање улогата на преродбеници и интелектуалци, кои имале друго
етничко потекло, во појавата и развојот на некои современи европски нации може
да забележиме дека постоеле такви примери, како што е, на пример, во Финска и Ес-
тонија. За разлика од Балканот, споделените истории, заедничките личности и ин-
телектуалци кои имале различно етничко потекло во однос на народите каде што
дале голем придонес, во некои европски држави тоа не значи негирање на правото на
самоопределување и постоење.