СИСТЕМАТСКИ СЕМЕЕН ПРИСТАП ВО РАБОТА СО ЛИЦА СО НАРУШУВАЊЕ ВО ИСХРАНАТА

Апстракт

Нарушувањата во исхраната биле познати од дамнешни времиња, но
во денешно време тие претрпеле многу измени. Првите записи за нарушува-
ња во исхраната се забележани уште во античко време, па кај римските им-
ператори итн. Постојат пишувани документи за изгладнувања и прекин на
менструалниот циклус кај монахињи уште од деветтиот век. Сенека, за
тогашниот начин на живеење, рекол: „Луѓето јадат за да пoвраќаат и повра-
ќаат за да можат повторно да јадат“. Тоа, во суштина, ја претставува раз-
ликата на тогашниот начин и стил на живеење и денешните нарушувања во
исхраната, при што основната цел е намалување на телесната тежина.
Нарушувањата во исхраната означуваат нездрави навики во хране-
њето, односот кон храната и одржувањето на телесната тежина, а заеднич-
ка карактеристика на сите растројства во исхраната е растројството во
перцепцијата на своето тело.
Болестите на нарушување во исхраната се значаен психолошки, соци-
омедицински и општоздравствен проблем. Најновите светски истражувања
и нивните резултати покажуваат дека е неопходно да се инвестира во пре-
венција на овие заболувања, во адекванта обука и едукација на родителите во
формирањето здрави навики во исхраната кај децата, едукација на медицин-
ските лица во рано препознавање и откривање на ризиците, а подоцна и забо-
лувањата на нарушувања во исхраната, едукација во училиштата и други
стручни кадри што имаат контакт со популацијата која е во ризик за раз-
вој на нарушување во исхраната.
Адолесцентите ја претставуваат групата која се наоѓа во најголем ри-
зик за развој на нарушување во исхраната од кој било вид, што е потврдено во
спроведеното истражување. Влијанието на современиот начин на живеење,
влијанието на медиумите, врсниците, целиот социокултурен притисок врз
личноста, а и многу други надворешни фактори го поттикнуваат и го зголе-
муваат бројот на лица со нарушувања во исхраната.