АЛЦХАЈМЕРОВА БОЛЕСТ ВО СЕМЕЈСТВОТО

Апстракт

Алцхајмеровата болест, која сочинува 60-80% од случаите на деменција,
претставува специфична патологија со низа симптоми, вклучувајќи губење на
меморијата, нарушено расудување и други когнитивни опаѓања. Напредокот и
управувањето со болеста бараат сеопфатен пристап кој вклучува професионал-
на грижа, вклучување на семејството и индивидуализирани планови за нега.
Истражувањето се фокусира на методи за работа со лица со Алцхајмеро-
ва болест и нивните семејства, истакнувајќи ја важноста на комуникацијата
во спроведувањето на индивидуализирани планови за нега. Целта е да се покаже
дека добро подготвен план за нега, заедно со ефикасна комуникација со членовите
на семејството, може да го подобри квалитетот на животот и потенцијално
да го забави напредокот на болеста. Истражувањето беше спроведено во два дела:
прашалник за негуватели кои работат со пациенти со Алцхајмерова болест и
полуструктурирано интервју со 33 членови на семејствата на лица дијагности-
цирани со болеста. Овој пристап обезбеди и квантитативни и квалитативни
податоци, нудејќи сеопфатно разбирање на проблемите.
За подобрување на грижата за Алцхајмерова болест, препорачуваме зго-
лемување на вклученоста на семејството преку структурирани модели и обу-
ка, зголемување на достапноста на специјализирани услуги, промовирање на
професионален развој, зајакнување на етичките стандарди за комуникација,
имплементација на сеопфатни системи за поддршка и редовно оценување на
плановите за нега. Овие мерки имаат за цел да обезбедат холистички и ефек-
тивни стратегии за грижа, подобрувајќи го квалитетот на животот за лицата
со Алцхајмерова болест и нивните семејства.