ЛИКОТ И ДЕЛОТО НА ПРОФЕСОР Д-Р ВЛАДИМИР ДАВЧЕВ

Abstract

Со неверување и во шок ја примивме веста за ненадејната смрт на д-р Владимир Давчев, редовен професор на Институтот за родови студии на Филозофскиот факултет во Скопје. Професорот Давчев не беше само професор и наш колега, тој беше и нашиот пријател и другар. За студентите, тој беше ценет професор, кој умееше другарски да се постави, но и да им пренесе знаење. Ние не изгубивме само човек, изгубивме личност со исклучителни доблести: принципиелен, праведен, колегијален и умерен; човек со којшто беше задоволство да се соработува и на кого можевме да се потпреме.