ЕКОНОМСКА И/ИЛИ СОЦИЈАЛНА КРИЗА

Апстракт

Финансиската криза што започна во 2008 година во САД многу бргу ce рашири во глобално поврзаниот пазар прераснувајќи од финансиска во глобална економска криза. Проширувајќи ce и врз реалната економија, кризата ce изрази како ограничувачки фактор на економскиот и социјалниот опстанок. Се поставува прашање дали кризата во натамошните процеси од финансиска и економска ќе ce претвори во социјална и во системска криза што ги доведува во прашање основните постулати на економското и секојдневното работење врз кои базираат пазарните економии.
Кои ce можните решенија за справување со кризата и како ce согледуваат влијанијата по одделни земји, ce основните прашања кои ce согледуваат во овој труд. Преку анализа на движењата во одделни економски финансиски параметри, како и преку изразените социјални појави и ризици ce согледуваат насоките во кои може да ce движат државите во барањето на излезни решенија.