ВМРО-РЕАЛНА ОПАСНОСТ ИЛИ ИЗГОВОР ЗА РЕПРЕСИВНИ МЕРКИ?

Необјавени документи на Министерството за внатрешни работи на Кралството Југославија за ВМРО

Апстракт

Во периодот меѓу двете светски војни, политичко-безбедносната состојба во Македонија под српска власт била главен предмет на интересна безбедносните и разузнавачките служби на Кралството на СХС (Југославија). Тајните елаборати и извештаи што ce подготвувале во Министерството за внатрешни работи на југословенската држава ja посочувале македонската организација ВМРО како еден од главните фактори на нестабилност во Вардарска Македонија. За тоа, српските безбедносни фактори постојано ce занимавале со изработка на државна стратегија за борба против ВМРО и другите организации во македонското револуционерно движење. Преку добро подготвени пропагандни активности, владата на Кралството ла СХС (Југославија) успеала да го придобие јавното мислење и да ги оправда репресивните мерки што ce преземале во Македонија под српска власт, под изговор дека тиe ce насочени против ВМРО како антисрпска и антидржавна организација.