Preface

Апстракт

Почитувани колешки и колеги, почитувани соработници, студенти и драги читатели, пред Вас е број 64 на Годишниот зборник на Филозофски факултет. Вообичаено, како и во претходните броеви, повторно имате можност да прочитате голем број трудови на автори од сите единаесет Институти кои го сочинуваат Филозофски факултет. Со оглед на тоа што оваа публикација претставува едногодишен приказ на дејноста на членовите на една хетерогена образовно-научна институција, ce надеваме дека и оние што првпат ce среќаваат со Годишниот зборник, ќе најдат текст што ќе го привлече нивното внимание.
Публикациите од овој вид живеат благодарејќи на авторите и нивните трудови, како и интересот што тие трудови го предизвикуваат кај пошироката научно-истражувачка и академска јавност. Но, за да настане и опстане ваков вид публикација, не ce доволни само авторите. Потребни ce и соработници кои ќе работат напорно на собирањето, редактирањето, уредувањето и оформувањето на трудовите во она што го нарекуваме конечен производ.