EPISTEMOLOGY OF FEMINIST DECOLONIALISM AND AESTHETICS OF BORDERLANDS

Апстракт

Есејот го истражува феминистичкиот деколонијалитет како метод и праксис на отелотворување на се­тилниот сознаен опит и политиката на граничните подрачја (borderlands). Во овој контекст се елаборира на кој начин феминистичката епистемологија отвора нови димензии во рамките на специфичните конфликти и злосторства против човештвото (војни, раселувања, барање азил). Чинот на дислокација на деколонијалните тела во новиот меѓупростор и меѓуместо, како и некрополитичкото насилство на капитализмот, поттикну­ваат критичко преиспитување на онтоепистемолошките и политичките импликации на граничните подрачја на раселеноста и „битието-во-желбата-за-преживување“ – како единствен можен радикален феминистички чин на мислење и дејствување.
Овој епистемолошко-политички правец на редефинирање на епистемата на граничните простори, не­крозата и политиката, го сочинува вториот дел од елаборацијата во есејот. Целта е да се аргументира дека феминистичкиот деколонијалитет е вкоренет во економската неправда, како и во историскиот и расниот ма­теријализам. Овој пристап ги следи капиталистичките редефинирања на трансформативната правда и феми­нистичката неправда, кои сѐ уште претставуваат отворен процес на нелинеарна епистемологија и мисловен процес исполнет со дисконтинуитети, амплитуди и борби за опстанок.
Наведените концепти се истражуваат низ призмата на актуелните масовни процеси на миграција, вој­ни, колонијални претензии, расен капитализам, присилни миграции, системи на насилство и невидливо на­силство. Тие се третираат како нови парадигми за промислување на епистемологијата на феминистичкиот социјален деколонијалитет денес, во постковид периодот и помеѓу световите на дистописката сегашност на војни и воена некрофилија. Надежта на феминистичката епистемологија против колонијализмот е вкоренета во новото читање на феминистичкиот предизвик против војната и во отворањето простор за најупорните форми на маргинализација во рамките на епистемичката дисциплина и интерсекционалноста.