РЕЛИГИСКАТА ИСКЛУЧИВОСТ ВО СОВРЕМЕНОТО МАКЕДОНСКО ОПШТЕСТВО

Апстракт

Религиската исклучивост е еден од најголемите проблеми што го тресе гло-
балниот свет. Многу етнички, политички и економски конфликти, добиваат привид на
религиски конфликт. Ова е една од причините што мултикултурализмот, како статички
концепт, сè повеќе е застарен во Европа. Затоа интеркултурализмот како динамичен
концепт станува сè поактуелен. Северна Македонија, која за жал е сè уште во пост-
конфликтен период, се обидува да изгради стратегија за едно општество за сите и ин-
теркултурализам. Во такво општество, сите граѓани, без оглед на нивната религиозна,
етничка или политичка припадност, ќе имаат еднаков пристап до пазарот на трудот, со-
цијалните, културните и политичките институции. Ова ќе ги надмине верските тензии и
конфликти. Двете најголеми верски организации во земјава, Македонската православна
црква - Охридска архиепископија (МПЦ-ОА) и Исламската верска заедница (ИВЗ), има-
ат клучна улога во развојот на верскиот дијалог и соработка. Тие сè уште не го прават
тоа на задоволително ниво заради нивната екстремна блискост со политичките партии,
што ги води кон верски национализам. Како резултат на тоа, во Р Северна Македонија
се случува политизација на религијата и религизација на политиката. Наместо да се
вклучат во процес на религиски дијалог, религиските достоинственици на МПЦ-ОА и
ИВЗ често ги трујат верниците со говор на омраза и верскa исклучивост.