Сложенките со компонента blago- и dobro- во историската лексикографија

Апстракт

Анализата на сложенките со компонента blago- и dobro- во црковнословенската лексикографија покрај нивната застапеност ги потврдува и нивните структурни особености, соодносот со грчките паралели, поголемата застапеност во небиблиските текстови и синонимните односи. Од аспект на зборообразувачката варијантност се изделуваат сложенките образувани со различни суфикси. Се изделуваат структурните образувања што се формално зависни од грчките модели. Од аспект на преведувачката постапка образувањето нови зборови по аналогија на грчките зборообразувачки модели со помош на соодветни домашни компоненти е еден од основните патишта за именување апстрактни поими.